abocco2@gmail.com,

Maame (Obrafour)

Ɔbrafoɔ, mpem mmienu,
2000, Ghana, mabɛduru

Hook

Ɔbaatan nnim nea ne ba bɛ die
Mama woatete me afiri fie
Ɔbrafoɔ, mese m'aseda nie
Maame, w'ayɛyie nie

Verse 1

Awoɔ yɛ ya nanso woanpɛ aba
W'abadayeɛ die menhuu bi da
Medwen wo ho a, menhu deɛ menka
Ampa, obiara nte nyɛ nea woayɛ ama me, me wiase
Me mmɔfra ase, wode notoboase
Ahobrase, anya meho ntiase
Daa de bɛ si nnɛ
Ɛnti mede metekerɛma bɛ pɛi mu akasa sɛ meda wo ase
Nhyira nka wo din
Nyame mma wo ahoɔden
Menyin na me wo a, maame na mɛto no abadin
Woatete me wɔ Nyamesuro kwan so
Ɔdɔ a woayi nadi akyerɛ me deɛ, ɛboro me so, ɛboro menya a meti da wo so
Oh Nyankopɔn, Tweduampɔn
Wo na wobɔɔ ɛsoro ne asaase ne nyankontɔn
Ɛna wobɔɔ me ɔbrempɔn
Nea mesrɛ wo ne sɛ hyira me Maame ne mu mprɛmprɛm
Na wɔnnom nkwa wɔ asaase so ɛnyɛ tenten

Chorus 2x

Sɛ mehwɛ nea woayɛ ama me a
Wosɛ ayɛyi
Nana Nyame nhyira wo o
Maame e

Repeat hook 2x

Verse 2
Akoma pa, nteteɛ pa, ɔdɔ pa, nhwɛso pa
Nyinaa firi me Maame Ama
Ɛyɛ ampa, mamenka
Meho adwendwen ahyɛ no ma
Nti ɔkɔ kɛtɛ so koraa, ɛyaa ɔnna
Ɛnkanka, meyare a, ɔntumi nnidi, obua da
Ɔde ayam hyehyeɛ, ahopreprɛ yɛ m'akoma pedeɛ
Ɛnkosi sɛ daa meho bɛto me, ɔnni anigyeɛ
Ɔbi bɛ seɛ, ɔdɔ mu afɛfɛdeɛ
Bɛhwɛ Kwabena abranteɛ
Maame gyegye me so tesɛ ɔdehyeɛ
Woanyinaa hwan na ɛbɛyɛ
Maame nkoaa na ɛbɛyɛ
Mentumi nni wo boniayɛ, hwɛ deɛ woayɛ
Abosome mekɔɔ akwantuo
Woate ne me nisuo
Hwɛ menkoda bɔnensem, woanfa me ho abufuo
Woama me nofonsuo
Nokorɛ Nyame anim, mehu sɛ woabrɛ me ho papa
Woyɛ ɔbaahemaa, mentumi nfa wo nto kyakya
Aseda na wofata Mama, bisa Kwaataa

Chorus 2x
Dɔ kɛseɛ bɛn na ɛte sɛ wo dɔ
Wiase nyinaa mentumi nte aseɛ
Nea ɛku me koraa ne ɛda woanhwɛ me
Maame Ama e, w'aseda nie o

Repeat hook 2x

Verse 3
Mekae biribiara, ɛbra na meyɛ akwadaa
M'ani nka obiara anim gye sɛ Maame Ama Dapaah
Mese onya sasaa
Mesu bebree a mɛsu aha no anadwo a nnipa nyinaa adeda
Maame dɛɛdɛɛdɛ, memma mewirɛnfiri wo da
Woyɛ Ɔbaatanpa
Wosɔ mensa kɔ sukuu
Wohyɛ menkoran ma mesua adeɛ ma me yɛ Doctor Who
Mefiri abɔnten ba fie a, wohyia me yɛ me awaawaatuu
Bronya berɛ mu mahyɛ me shoe
Wohyɛ me atadeɛ ma meho yɛfɛ tesɛ Scooby Doo
Ɛyaa na apɛsi a, woadi wɔ wiase nyinaa afa meho
Wode me twere wo bo
Wosɛe woadaagye nyinaa bɛtena menkyɛn
Na wode kasapa bɛbisa me sɛ -
Kwabena, "ɛnnɛ wo ho te sɛn"
Mama, ɛnkosi dabɛn
Ɔbrafoɔ se adɛn
Menni biribiara a mɛka
Mema wo ayekoo ne akwaaba
Ɛnnɛ mese masan aba
Mewɔ awerɛnhyerɛmu sɛ Nana Nyame adaworoma ɛbɛyɛ yie
Ɛnti ɛmpaa aba

Repeat Chorus 2x

Uuh Maame e, uuh
Saa mmrɛ yi, yɛsere Nyame nhyira

Repeat Hook till fade

© Obrafour